免死金牌

老人家一般都怕做身體檢查，驚住會驗到有事，彷彿冇醫生「話」自己有，個病就唔存在。好多人加入信仰都係希望可以升天堂。不過有啲人因為知道自己有唔好嘅生活方式同習慣，改唔到，明知唔符合教會嘅教導，所以選擇唔信教，驚住會落地獄。如果我哋嘅一言一行，係會令到自己落地獄，而又唔肯去改，無論領唔領洗，一樣都係落地獄。相反，如果只要唔相信就可以有免死金牌，咁嘅「地獄」仲值唔值得我哋去相信？