你呃人（一）

今時今日，人人都話要批判性思考，樣樣嘢要理據。講信仰宗教，好易被標籤為落伍、守舊、反現代等。權威方式教誨，唔好話教學生，就算教仔女都過時。同人講上主嘅權威，好多時對方把口話尊重你個人取態，實際上心裡笑你傻仔、咁都好信。每當有心硬嘅人問點証明世上有神、有天堂地獄、話呢啲好似細個阿媽帶去虎豹別墅，嚇我講大話會畀牛頭馬面勾脷筋，只係呃細路、已經有各種「實驗」証明世上冇神…面對呢啲問題，以保羅有限嘅智慧當然啞口無言。就算有１００歲命，都總有結束嘅一日，到時邊個去到先，睇完返嚟同對方講，咪知有冇呃人，依家拗嚟有乜意思。只可惜正如聖經話齋，如果係要唔信，就算死人復活返嚟同佢講都冇用。