我愛旅行在萬有之上（一）

好多人鍾意去旅行，每年嘅大假一日都唔會嘥，必定用盡去世界唔同角落。以前，保羅同大部份教徒一樣，喺第二個國家，就會唔記得星期日要去教堂，彷彿教友身份，好似件衫一樣，除低咗就冇咗。曾經有神父話，好多教友揾佢辦告解，話自己下星期會去旅行聽唔到彌撒。今時今日，上網咁方便，又有Google Map，外地教堂地址、彌撒時間噤幾個制就有，如果咁都話去唔到，究竟我哋愛天主，定愛旅行在萬有之上呢？