拜神雞

記得細個有一次臨過年前，保羅跟陳媽媽去街市買雞，老闆以為我哋買嚟拜神，就話隻雞之前因為同其他雞打交，背脊受傷花咗，問我哋介唔介意。舊約時代，猶太人都會揀隻「無瑕」嘅羊，確保冇傷痕冇斷腳先攞去獻祭。今時今日雖然唔駛再獻羊，不過每個人都可以將日常嘅生活奉獻畀上主。既然係祭品，當然要做好自己一言一行，唔好攞隻發臭嘅雞嚟還神。