冇膽匪類 （三）

好多人自翔醒目仔，睇嘢睇全局，唔會被表面愚弄。認為宗教係愚昧，有信仰嘅人係儍仔，被宗教領袖利用、洗腦，甚至作為斂財工具。的確，呢啲事喺歷史中出現過好多。保羅唔敢話自己比起講呢啲話嘅人叻；亦不得不承認，今時今日仍然有好多騙局打著宗教作仿子。但當以為自己嘅聰敏，可以勝過上主嘅愚妄時，我哋真正拒絕緊嘅，到底係神棍嘅謊言，定係神嘅箴言呢？

馨苓蛋白質（二十）

冇膽匪類（二）

好多人視有信仰嘅為弱者，宗教只係心靈空虛者嘅慰藉、精神鴉片，畀失意嘅人好過啲。自問係强者，又何須宗教？的確，經驗中，喺宗教場所入面，有相當比例都係長期病患、傷殘人仕或佢哋嘅家人，老人家，窮人等被視為弱者嘅人。但係，講呢翻話嘅人往往忘記咗，就算上主嘅懦弱，都遠勝於人嘅堅強。

馨苓蛋白質（十九）

冇膽匪類（一）

曾經聽過一個伊斯蘭教故事，內容大意話，一個好靚仔嘅青年去城市搵工。喺街上遇到個闊太，表示肯請佢做嘢，人工仲好高添。點知去到個闊太屋企，佢即刻面口變哂，將個青年反鎖喺睡房，慾火焚心地撲落個青年度，想拉佢上床尋歡。個青年好驚，因為知道男女姦情係大罪，真主唔會饒恕。於是心血來潮，話好急要去廁所。佢入到廁所，就即刻喺馬桶撈起幾把糞便，抹到自己成身臭味出返去。結果畀個闊太趕走咗，仲要好耐先洗返乾淨。雖然故事中嘅青年好似好細膽、好冇用，不過現實生活中，又有幾多個人有勇氣做一個懦弱嘅人？

馨苓蛋白質（十八）

腳趾與沙蟲

好多年前，喺電視聽過星雲大師講一個比喻：拳頭可以幫媽媽揼骨，亦可以攞嚟打人。物件本身冇善惡，好壞係在於使用嘅人個心。保羅自問係個好老土嘅人，對電腦、新科技一向都唔叻。身邊有啲長輩，好抗拒上網，認為會帶嚟好多邪惡。唔好話互聯網、手機，就算酒精、毒品，都可以有善嘅一面；「惡」只係因為沉迷／濫用。但係，明知冇能力抵抗誘惑，仲要將自己置於誘惑之中，一句「物件係中性」，只會變成畀自己犯罪嘅藉口。如果唔識得善用，與其Online落地獄，不如Offline升天堂。

馨苓蛋白質（十七）