2017年12月7日 星期四
2017年11月29日 星期三
我在隔音室的日子系列 <Joyeux Noël(一)>
外國好興Advent Chocolate(如果照字面譯係「將臨期朱古力」,「將臨期」保羅通常理解為「即『將』來『臨』嘅時『期』」,亦即係聖誕節前嘅四個星期)。香港雖然臨近聖誕有啲舖頭都有賣Advent Chocolate,不過暫時仲未算好流行。Advent Chocolate通常一盒有廿幾粒,每粒有一個數字,可以係1至24。等小朋友由12月1日起,一日食一粒,直到12月25日,期望聖誕節來臨。(順帶一提,天主教嘅將臨期唔一定係12月1日開始,例如2016年嘅將臨期係由11月27日開始)。好多人都好期待聖誕節,不過我哋期待嘅,除咗禮物、開派對、聖誕大餐,仲有冇其他嘢呢?標題嘅英文翻譯:「Joyful Christmas」
2017年11月12日 星期日
2017年10月28日 星期六
2017年9月17日 星期日
2017年8月25日 星期五
2017年8月6日 星期日
第十一個義人
陳爸爸好鍾意挑剔生活中好多人好平常,但又做得唔係太啱嘅事,保羅有時都冇佢咁好氣。有一次,保羅寸佢話:「可能香港就係因為有你同深水埗明哥,加埋夠十個義人,所以先咁多年都相安無事。」(參閱 <創18:16-32>)陳爸爸回答保羅:「咁我都希望加埋你,變成有十一個啦。」究竟香港/地球係咪真係因為有十個義(好)人,所以咁耐都冇畀上主毀滅,保羅真係唔知。不過每個人都有權選擇自己做唔做第十一個義人。
<創18:32>亞巴郎/ 亞伯拉罕說:「求我主且勿動怒,容我最後一次進言:假如在那裏(索多瑪和哈摩辣/所多瑪和蛾摩拉)找到十個(義人)怎樣﹖」他(上主)答說:「為了這十個(義人)我也不毀滅(索多瑪和哈摩辣/所多瑪和蛾摩拉)。」
2017年2月7日 星期二
2017年1月31日 星期二
2017年1月25日 星期三
冇天理
聖經寫耶穌小朋友時嘅事好少,只知佢阿爸若瑟做木匠。喺當時,只有有錢人先會用木製傢俱,一般人求其用舊石或爛木做枱凳就算。由於服務嘅都係有錢客戶,佢屋企應該唔會太窮,可能係小康添。不過畀客拖數唔係今日先有,兩千年前,交咗貨收唔到錢,兼被打一身應該係好平常嘅事。保羅諗,如果自己係若瑟遇到呢啲事,會唔會好委屈,覺得冇天理,甚至有一刻對上主氣餒、失望呢?雖然上主就喺屋企,等佢放工返嚟。小朋友嘅耶穌,見到唔開心嘅阿爸,到底會好窩心咁錫返佢一啖,定係只會大叫大嚷,叫人同佢唱歌歌,畀佢食零食呢?保羅想講嘅係「冇天理」唔係今日先有,即使上主與我哋同在,唔代表就會事事都「有天理」,因為負責定有冇天理嗰個,唔一定要今世就計清條數。
2017年1月17日 星期二
2017年1月10日 星期二
2017年1月3日 星期二
訂閱:
文章 (Atom)