假如何俊仁係天主教

早排，何俊仁因為喺立法會睇靚模性感相，被網民封為「ＡＶ仁」、「何盡淫」，甚至叫佢辭職落台。可惜佢唔係天主教，否則就可以即刻去辦告解，然後大大聲向指責佢嘅人話：「今日我真心悔改，雖然唔代表以後一定可以對抗誘惑，但既然天主都寬恕我，你哋憑乜嘢去判斷我呢？」告解聖事可貴嘅地方，在於只要真心悔改，無論犯嘅罪有幾大，都可以得到寬恕。當然如果喺告解亭入面口是心非，就算扼到面前嘅神父，都扼唔到佢背後嘅天主，辦幾多次都冇用。