聖誕樹節

記得好多年前聖誕，電視新聞喺大陸採訪，問一個路人知唔知當日紀念邊個出世，佢反問係咪聖誕老人。今時今日，好多節日都變咗催谷人買嘢嘅藉口。過時過節，舖頭、商場一定滿佈裝飾。但當聖誕節變成聖誕樹節，復活節變成復活蛋節；開派對慶祝耶穌生日，竟然忘記咗壽星公，會唔會有一日，當被人問今日紀念邊個復活，我哋會答係兔仔呢？