牆頭草

有次啱啱完咗彌撒，聖堂門口撞到個教友，竟然問保羅有冇興趣報名學紫微斗數。喺瑪加伯時代（約公元前200至300年），部份猶太士兵會戴住邪神嘅符籙上戰場，祈求可以平安返屋企。今日唸天主經／主禱文，聽日去車公廟，後日玩塔羅牌。唔理邊個，總之保佑到自己順順利利，生意興隆就得。聖經將背棄上主嘅人，比喻做紅杏出牆嘅新娘。如果咁計，好多人何止包二奶／公，甚至有阿三、阿四添。正如關二哥出名講義氣，萬一俾佢知道有啲牆頭草嚟上香俾自己，唔知會點諗？