超級巨聲

通常彌撒／祟拜中歌詠團／詩班，因為有練習，一般都唱得唔差。不過最美麗嘅聲音唔係佢哋，而係教堂入面，ＢＢ／細路仔因為肚餓／唔舒服發出嘅喊聲。對於小朋友（甚至大朋友），彌撒／祟拜有時都幾悶，坐唔定、郁身郁勢，在所難免。如果話帶仔女去教堂，需要嘅毅力，比堅持自己嘅信德大一百倍，應該都冇誇張。個幾鐘禮儀，最終聽到嘅，可能四份一都冇。有時因為被喊聲打斷，集中唔到，可能會覺得討厭。但如果冇咗呢啲小生命，會唔會有一日我哋都變成歐洲咁，得翻啲阿公阿婆去教堂呢？