說明書

買部新電器返屋企，有人會好有心機，睇曬成本說明書；有啲冇乜耐性，用咗先算。冇睇唔等於一定會用壞部機；相反地，睇咗都可以搞到一塌糊涂。每當知道身邊有信仰嘅人，甚至神職人員行差踏錯，好多人都會擰曬頭，認為信唔信教都係一樣，不外如是。其實，信仰就好似人生嘅說明書，冇睇唔等於衰梗、落地獄；睇咗，一樣可以走歪路，無得升天堂。可唔可以功德圓滿，係要一生嘅努力。