設身處地

身邊好多人都話如果有絕症／癱咗，寧願安樂死。天主教認為殺自己（自殺、安樂死）都係殺人、都係犯罪。保羅以前參加過一個探討活動。當中，有啲本身或家人患病／傷殘。有人激動地反對，斥責安樂死係怯懦，甚至話：「阿媽生你都痛，難道佢又唔生？」保羅唔係支持安樂死，但好人好者，唔會明患病嘅辛苦、醫藥費嘅壓力。到自己有事，可能一樣係咁諗。當然，了結生命，唔應該鼓勵。伯多祿／彼得都曾誇口話唔會出賣耶穌，到生死關頭，一樣面對人性軟弱。冇事冇幹，講風涼話，指責人好易。當殺到埋身，邊個可以擔保自己唔會一樣？