復仇者聯盟

小朋友一個下午，可以打交、錫翻、「唔採你」、和好、喊完、笑翻好多次。但成年人，一句話、一個眼神、一個動作，產生嘅心病、怨恨、不和、誤解、猜忌，可以永遠化解唔到，越整越深。保羅同其他人一樣，有自己睇唔順、唔鍾意、有過節、唔想見嘅人。諗返轉頭，又冇殺我全家，有咩血海深仇唔放得低？愛自己嘅仇敵、寬恕七十個七次，講就容易。把口話原諒、一筆勾銷，心裡始終有刺，碰面會面阻阻。一朝被蛇咬，十年怕草繩。人與人嘅信任，好長時間先建立到，但幾秒就可以完全摧毀。如果拯救地球就要消滅曬啲敵人，會唔會有一日自己變咗要被消滅嗰個呢？