耍手擰頭

同好多人一樣，保羅有時都好怕同啲極虔誠嘅人（不論天主教定基督教）講嘢，覺得唔自在，甚至反感。（希望保羅自己唔係其中一個其他人會驚咗我嘅）所以「耶穌」兩個字，保羅好少講，最多只係「寫」。社會越發達，信仰越低落。香港成日話貧富懸殊，但起碼多數人唔駛擔心生命安危（最多都係驚食得唔好，住得太細）。一講「耶穌」，好多人都耍手擰頭。好地地，佢拯唔拯救我，咪又係咁；得永生但中唔到六合彩有咩用？正如播種，唔係粒粒會開花結果。傳教只係做本份，冇話保證有收成，因為信仰唔係單憑人嘅智慧。種子會唔會、幾時先會發芽，永遠冇人知。十年、廿年，甚至到對方臨死前一刻都唔定。相反，我哋今日收割嘅，可能亦係前人種落嘅。