成人不宜（上）

早幾年，保羅同以前一班教會朋友食飯，講起聽彌撒，有啲好耐冇去，有啲就間中去吓。好多人年少、讀書時曾經都好熱心、好虔誠，但大個咗，出嚟做嘢後，越來越冷淡，最後冇埋影。見嘅事闊咗，識嘅人多咗，經歷世態炎涼、爾虞我詐，覺得信仰愚昧、幼稚，可能講中好多人心聲。保羅細個同其他小朋友一樣，唔鍾意，聽唔明，覺得好悶，但個個星期父母都捉我去教堂。成日都話要俾小朋友到耶穌跟前，唔通大人就唔駛？