來日方長

好多恐怖片，形容有６６６標記嘅魔鬼，化身公仔或細路，製造假意外、真陰謀，戲中角色唔係慘死，就身首異處。有時又話佢係妖怪，鍾意食人吸血、濫殺無辜。結局一般寫主角尋找聖物，將佢消滅／封印。魔鬼係咪同人一樣，有壽命、老咗會死，保羅唔知。不過就算係，應該唔止用一百幾十年做單位，畢竟自有人類開始，佢就喺度。即使會衰老，宜家可能仲係壯年，精力充沛，否則我哋早就天下太平。既然大把時間，今日殺一個人，同幾十年後等佢病死，有乜分別。與其千方百計取人性命，不如諗吓點樣引人犯罪，投向自己，收歸旗下好過。