小貓幾隻（三）

成日聽人話香港天主教老化，相比好多地方，已經唔算太嚴重。就保羅眼見，除咗朝早七點幾嘅彌撒，其他時段，雖然唔係好多，起碼叫做有啲後生仔。基督教祟拜，形式較活潑，青年仲多啲。有次去瑞士，保羅喺日內瓦去教堂，望勻曬，除咗隔離個修女，自己竟然係全場最後生嗰個，其他都係阿公阿婆。曾經有神父投訴，話香港啲青年晚晚成兩點先訓，邊可能第二朝七點起到身。不過，嗰次保羅已經係去九點彌撒。