小貓幾隻（一）

俾讀者估吓，西班牙同比利時分別有71%同57%人係天主教，但星期日幾多會去教堂，文尾開估。香港３８萬天主教徒，每年新增三千幾個大人領洗。可惜曾經聽過，話呢三千人，五年內八成會流失，以後唔見咗（實際數字保羅查唔到）。初初可能個個星期去彌撒，漸漸一個月一次，整整吓得翻聖誕復活，最後影都冇埋。「我們的心豈不是火熱的嗎﹖」（路24:32）係忙、懶、攰、當初信教另有目的、喺教堂遇到不愉快經歷，定其他原因撳熄呢團火？最後，西班牙2012年得14%人會去主日彌撒。比利時1998年仲有11%，到2009年淨翻5%！（香港情況見＜不要做CEO教友＞(2013年4月7日)）