辟邪寶劍

好耐之前，有一日朝早起身，保羅發現床邊多咗本聖經。原來之前一晚，老婆話半夜訓覺聽到有怪聲，於是攞咗本聖經出嚟，打開放則邊。電視電影，成日都講彊屍驚十字架，鬼怪怕桃木劍。妖魔鬼怪既然可以神通廣大，仲識飛天盾地，又點會怕木頭造嘅十字架同劍？由細到大，每年呢個時候，保羅都會攞聖枝返屋企。曾經唔止一次聽過有人問，聖技係咪可以辟邪驅鬼。如果你真係撞鬼，而又靠聖枝搞得掂，保羅勸你記得要多謝呢枝樹枝背後嘅上主。