爸爸去哪兒（三）

喺保羅認識之中，有好幾個妻子／女朋友都成功以自己無言嘅德行，感化到佢哋原先唔信上主嘅伴侶。反之，丈夫／男朋友能夠將信仰嘅智慧傳俾另一半，記憶中好似唔係太多。不過，美國有人做過統計，結果啱啱相反。家庭中，如果第一個領洗嘅係仔／女，只有3.5%最終全家跟隨。第一個係媽媽，有17%會全家受影響。但當爸爸係第一個，竟然高達93%。呢個統計有幾可靠，保羅唔知，不過似乎好多嘢，都唔可以話男人冇責任。