爸爸去哪兒（一）

唔知本欄男讀者有冇同感，保羅以前成日覺得，講宗教係一個好女性化、娘娘腔嘅課題。男人包袱多，尋求信仰，彷彿就會表露懦弱一面。保羅冇正式統計，但經驗所得，教會活動，似乎見到婆婆、嬸嬸、少女嘅機會，大過伯伯、叔叔、少年好多。坊間宗教書藉，分享個人感受嘅多，闡述事理嘅少。女仔多愁善感，富於言詞，容易為之觸動；相反男仔著重分析，難以體會他人經歷，對於太豐富嘅情感，有時甚至會反感。宗教如果單憑感性，容易被視為迷信；相反只求理性，只會變成知識／學科。