小人不記大人過（一）

保羅細個時都唔知同幾多個人絕過交，好彩依家好多都仲係朋友。年紀越大，越難同人和解／道歉。雖然好多人基於禮貌，開口「唔好意思」，埋口「對唔住」。不過要真正同自己唔啱牙嘅人和解，恐怕係另一回事。聖經話如果獻祭前諗起有人得罪咗自己，要先去同佢和解，再返嚟獻過。今時今日，雖然我哋已經唔駛再去燒隻羊或者牛嚟獻祭，（如果唔係應該都幾貴）但有幾多人，唔好話人哋得罪咗自己，就算自己唔啱得罪咗人，會同對方和解咗先祈禱／去教堂呢？