我在隔音室的日子系列 ＜Le Pere, le Fils et l'Esprit＞

今次標題用法文，文末開估。囡囡好鐘意用左手，無論畀玩具佢，同佢畫圖畫，定筷子食嘢，佢都多數會用左手攞。係咪真係左優，暫時未知。陳爺爺好唔高興，成日都話要教返囡囡用右手。為咗用左手定右手，保羅同陳爺爺嘈過好多次。有一次，保羅想教囡囡分左同右，諗起好多阿媽都會話「揸筷子嗰隻係右手，揸碗嗰隻係左手」咁點教佢好呢？於是同佢講：「我哋用右手劃十字聖號。」最後標題嘅英文翻譯：「the Father, the Son and the Spirit」。