遲啲先（三）

有次去睇一個關於生死嘅展覽，會場放咗好多唔同款嘅棺材，其中最令保羅深刻嘅係幾副為小朋友而設嘅棺材。作為父母，見到咁嘅情景特別感觸。基督教冇嬰兒領洗呢回事。相反，天主教鼓勵父母喺嬰兒時期就帶仔女領洗。大部份冇咁做嘅父母，原因都係話留返畀佢哋第日大過自己揀。人生無常唔係只適用於長大後，如果我哋真心相信領洗可以幫助人升天堂，點解仲要遲啲先呢？