獨臂刀

細個時，有次跟家人去旅行。食飯時，同團嘅叔叔幫保羅裝飯，保羅唔識禮貌，竟然單手接，害得陳媽媽即刻放低筷子，雙手由叔叔度接住隻碗。聖體係基督嘅身體，領受時當然要恭敬咁雙手接住（亦可以直接用口領）。保羅唔只一次見過有好虔敬嘅人，排隊去到神父面前，跪低用口領。當然，各處鄉村各處例，有啲地方（例如孟加拉）因為左手代表不潔，所以只用右手單手領聖體。至於保羅自己，有時亦會單手，唔係因為不敬，而係當老婆唔得閒一齊去聖堂時，要左手抱埋囡囡一齊上前，唔敢留低佢一個喺位。