十五二十，卅五四十

保羅記得細個時，電視會播校際辯論比賽，「中學生應否談戀愛」係其中一條成日出現嘅題目。廿一世紀嘅今日，呢條題目可能要改為「中學生談戀愛時應否有性行為」。一講「性」嘅笑話、某君嘅性醜聞，好多人都會好雀躍；但講「性」嘅道德，就即刻靜曬唔出聲，因為知道自己以前，甚至依家都有唔光彩嘅地方。「Ｘ歲都仲未破處？！」Ｘ＝１０、２０、３０、４０、５０、６０・・・ 無論男女，當貞潔唔再係美德而變成笑柄，我哋嘅社會係進步咗，定退步緊呢？