成副身家（上）

最近幾年，微軟創辦人盖茨呼籲其他富豪學佢一樣，捐出全副身家，幫助有需要嘅人。當然，就算普通人（包括保羅自己），都唔係個個有咁嘅決心同勇氣。伊斯蘭教有個講法，我哋對其他人嘅施捨，其實都係先經過真主嘅手。因此唔應該只係捐出自己多餘／冇用嘅，反而要將自己覺得好嘅／鍾意嘅攞出嚟。曾經有調查話*，香港人捐錢比率全世界排名第９，平均６４％人喺一個月內有捐過錢，但就只有１３％人有做義工（捐出時間）。究竟係反映香港社會富裕，好多人有閒錢可以捐，定係我哋覺得時間比錢更寶貴，所以唔捨得捐呢？

（*Charities Aid Foundation – World Giving Index 2012）