成副身家（下）

早幾年，藝人陳嘉桓懷疑被陳浩民、馬德鐘等非禮。事後，有人提出捐錢畀公益金（有說係東華三院），以表示誠意向當事人道歉。曾經睇過一篇文章，提及有啲人因為自知做過唔啱嘅事（例如年輕時用不良手法搵錢），到年老時希望透過捐錢、做善事作為補贖。有將功補過嘅心當然係好事，社會亦的確有好多需要幫助嘅人。不過如果只係想藉捐錢贖罪，但從冇諗過真心悔改，就算捐哂成副身家，對自己嘅靈魂又有咩益處呢？