未夠班

保羅從來都唔敢將自己同「虔誠」兩個字扯上任何關係，如果有人問保羅有幾虔誠，我會答話１００分，不過滿分係１００００。唔係因為謙虛，而係自己知自己事，做過嘅錯事醜事，就算只係用細明體Font 1寫出嚟，都應該厚過本聖經。而且，知衰同改唔改到，又係兩回事。身邊有啲朋友，喺保羅眼中係好虔誠嘅人。不過佢哋好多都會話自己只係得閒祈吓禱、去吓教堂，唔算得上虔誠。有信仰嘅人，從來都唔等於係聖人，相反只係知道自己做過好多衰嘢，希望改過嘅人啫。