聾耳陳

保羅通常睇電視都開得好細聲，雖然係咁，不過因為慣咗，所以一樣聽得好清楚。老婆成日投訴：「咁細聲邊聽到？都唔知你開嚟做乜！」相反地，好多人用耳筒聽歌，不自覺開到好大聲，漸漸聽覺變得冇咁靈敏。個個人天生都有一夥良心，每次想做唔道德嘅事，良心可能都會強力反抗，但如果成日充耳不聞，久而久之，良心嘅聲音就會越嚟越弱，最後甚至完全消失，覺得冇問題，做咗壞事仲沾沾自喜，以為自己好叻，所有嘢都係應份。良心一旦泯沒，悔改之心亦會不翼而飛。耶穌話世上所有嘅罪都可以被赦免，唯獨褻瀆聖神／聖靈嘅罪就唔可以。所指嘅唔係講粗口褻瀆上主，而係唔願意悔改嘅人。