唔係世界末日

「絕罰(Excommunication)」係天主教對犯咗極嚴重罪行（如謀害教宗，蓄意褻瀆聖體、墮胎等）最高處罰，受絕罰者禁止領受任何聖事，一般殺人放火都未至於會受到絕罰。好多年前喺一個網上論壇，一位女士話希望入天主教。不過細個時因年少無知，畀人搞大個肚，之後聽阿媽講去深圳墮胎。身邊嘅天主教朋友同佢講，如果佢領洗，就會受絕罰，因此唔知點算。咁多年嚟，保羅一直唔明，點解一個人想接近上主（領洗），反而會受絕罰。唔通為佢，唔領洗仲好？好多年之後，保羅先明白自己諗漏一件事。領洗唔單止係「入會儀式」，更重要係一個人痛悔以前做過唔啱嘅嘢，赦免之前嘅罪。最後補充一點，受「絕罰」並唔等於世界末日，只要真心悔改，經主教／教宗批准一樣可以得到寬恕。