一樣米養百樣人

幾年前，有個人因為遇到意外，需要緊急換肝。冇耐後，一個唔識佢嘅消防員話肯捐半個肝出嚟，當時大部份傳媒都讚呢個消防員。仲記得嗰日，保羅同一位長輩一齊睇電視新聞，佢即時反應係呢個消防員梗係搏升職，唔係邊有咁好心。筆者唔識當事人，當然唔知真相係點。保羅自問都算幸運，冇乜唔好嘅經歷，因此諗嘢較正面。世態炎涼，人人各有際遇，因此思考方式唔同。不過我哋點睇其他人，某程度上其實都反映自己係咩人。