霸王餐

基督教只有天堂同地獄，而天主教認為兩者間仲有煉獄。意思係有啲人在世時做咗壞事，雖然有悔意，已得到寬恕，但仍要受罰，罰夠先有得升天堂。就好似食咗霸王餐冇錢畀，因為肯認錯，老闆唔拉你去差館，不過要洗夠碗先准走。保羅好多天主教朋友，都話唔奢望上天堂，但求唔落地獄，可以去煉獄都好好。有句說話叫「聖人都有錯」。同一般人諗法唔同，天主教／東正教嘅聖人，雖然有啲都有豐功偉績，貢獻世界，不過更重要係，佢哋都有好嘅德行，可以升天堂。如果係咁，以封聖為目標，都唔係好過份啫？