現眼報

中國人有句說話「若然不報，時辰未到」。但現實中，報紙成日寫「好老師暴弊」、「孝順仔慘死」。相反，身邊嘅真小人／偽君子，個個好食好住，鴻運當頭。有人覺得天冇眼，好心冇好報。甚至早前佛山小悅悅事件，嗰十八個扮睇唔到，掂行掂過嘅，可能今日都安然無恙。但正如公司年尾要交業績，人都一樣，做過講過乜嘢，最終都要埋單計數。嗰啲我哋有虧負過嘅，有一日都會出翻嚟，成為指控我哋當日所作所為嘅最佳証人。