電燈制（一）

之前睇過一齣大陸劇，個女仔問有信仰嘅男主角：「我唔係信徒，都可以祈禱咩？」相反地，無論天主教定基督教，都有好多掛名教友，叫佢哋祈禱，仲衰過對牛彈琴。通常，藉口都話冇時間。雖然有啲不敬，不過保羅以前住１８樓時，試過朝早等𨋢，喺心裡面都唸咗３次天主經／主禱文。保羅估計，抗拒祈禱，其中一個真正原因，係好多人覺得自己所言所行，有愧於心，冇面目面對上主。但係，有病嘅人先需要睇醫生，越係犯得多罪，越更加應該祈禱。