同人唔同命

每個人天生條件唔同。有含住金鎖匙出世嘅，亦有溫飽都成問題嘅。點解佢樣靚又聰明，我就勞碌半生一事無成？羨慕甚至妒忌，往往因而產生。聖經將人嘅才能比喻為攞住幾多個金幣做生意；擁有越多，孭條數就越大。若然只得一個，恭喜你，因為賺到一個已經夠交差。相反，如果揸住十個金幣，就更應擔心自己有生之年，係咪可以賺得返十個。