陳保羅對陳保祿

筆者雖然係天主教，不過當年改筆名，特登唔用「保祿」（天主教翻譯）用「保羅」（基督教翻譯）。天主教同基督教，成日被人覺得水火不容，因為各自都有激進派，鍾意攻擊對方。呢啲批評，好多時反而係基於對自己嗰邊嘅唔認識，加上以訛傳訛造成。但係無論「保祿」定「保羅」都冇為人死喺十字架上。如果我哋死咗，耶穌究竟會問我哋信天主教定基督教，還是問我哋信唔信佢呢？