家傳戶曉

全世界７０億人，１６億係伊斯蘭教，天主教有１２億。如果話歷史上最高銷量嘅書係聖經同可蘭經，應該冇異議。至於第三位係乜，保羅先賣個關子，文尾開估。但買咗唔等於有睇，筆者屋企大把書，數以十年都未揭過。相反，除非中毒，網頁應該都係主動開嚟睇。全球網頁之中，一如所料頭幾位都係谷歌、面書、Ｙｏｕｔｕｂｅ等。伊斯蘭教、天主教、甚至基督教網頁竟然連頭一百都入唔到，反而咸網就有幾個。好多人（基督教通常好啲，天主教尤甚）屋企本聖經都係買嚟擺。除咗家傳戶曉嘅故事（如五餅二魚、過紅海等），唔好話內文，連目錄都未必講得出。最後，歷史上第三本最高銷量嘅書，有人估計係毛語錄。