腳趾與沙蟲

好多年前，喺電視聽過星雲大師講一個比喻：拳頭可以幫媽媽揼骨，亦可以攞嚟打人。物件本身冇善惡，好壞係在於使用嘅人個心。保羅自問係個好老土嘅人，對電腦、新科技一向都唔叻。身邊有啲長輩，好抗拒上網，認為會帶嚟好多邪惡。唔好話互聯網、手機，就算酒精、毒品，都可以有善嘅一面；「惡」只係因為沉迷／濫用。但係，明知冇能力抵抗誘惑，仲要將自己置於誘惑之中，一句「物件係中性」，只會變成畀自己犯罪嘅藉口。如果唔識得善用，與其Online落地獄，不如Offline升天堂。