彌撒禮成

有聽過彌撒嘅讀者，唔知有冇留意，每次彌撒，最多人回應嗰句，一定係最尾神父講完「彌撒禮成」之後嘅「感謝天主」。因為終於搞掂，可以走得。好多人（包括保羅自己）都試過喺聖堂時，唔專心，雲遊四海，甚至恰眼訓。相比基督教祟拜，天主教彌撒好似好悶、好死板。對於初初開始聽彌撒嘅人，好多儀式同動作，都唔知做緊乜，又點會有興趣再去？曾經聽人講笑話，問香港人攞一千蚊，甚至要佢剝一隻牙，可能仲易過叫佢畀一個鐘頭出嚟。但問心，除咗呢個鐘，成個星期，我哋又有幾多時間留畀上主？