身在福中（四）

全球最多天主教徒嘅國家，頭三位依次係巴西、墨西哥同菲律賓。分別為1.4億、1.2億同7,000萬。不過人多唔等於神父多。全世界十二億天主教徒，大約有４１萬個神父，平均3,000人一個。可惜呢三個國家，神父比例低得可憐，都係八千幾九千人先有一個。神父比例喺157個國家（地區）中，分別排139、138同143。有趣嘅係，頭十個神父比例最高嘅國家（地區），竟然有５個都喺亞洲（尼泊爾(第二)、巴勒斯坦(第三) 、日本(第五) 、台灣(第九)、泰國(第十)）。當然，呢啲地方嘅神父，可能好多都係外國嚟傳教。或者，真係先知喺自己鄉下都係唔受歡迎嘅。