堅毅力行

身邊好多人（因為種種原因）都會畀年幼嘅仔女領洗，不過，就唔係好多會個個星期帶佢哋去教堂。同ＢＢ／小朋友去教堂，好小事就會被迫遲到早退；為咗睇實佢哋，個幾鐘禮儀，自己真正投入嘅，可能少過十五分鐘。細路仔冇耐性，又跑又跳，大叫大喊，父母尷尬，又怕嘈著隔離。平日照顧仔女，已經冇覺好訓，難得放假仲要一早起身、攞苦嚟辛，究竟為乜？如果唔係有無比毅力，可能晨早放棄咗。作為旁人，與其怪責呢班小魔怪，騷擾自己與神同行，唔係更應該對佢哋父母嗰份堅持，至萬二分敬意咩？