南丫四號

聽過一個比喻，有個老細請人去佢公司打工，規定到十二點每人出一個金幣糧，有人晨早開工做足成日，有啲成十一點先嚟，做一粒鐘就收工。結果每人都得到一個金幣。於是，做得耐嗰啲梗係唔高興，冇理由做十個鐘同一粒鐘都係咁多錢，咁咪好唔抵？有一次，保羅同個冇信仰嘅朋友吹水，佢話如果宜家就開始信教，好多嘢唔准做，好蝕抵，所以希望臨死前先覺悟就最著數。前幾年，南丫島發生撞船意外，３９人浸死咗。保羅相信嗰３９人，出事前５分鐘都應該冇諗過自己會死。