信耶穌得水牛

永生睇唔到又唔食得落肚，信仰帶嚟嘅平安同喜樂，只可親身感受，好難單靠人哋講而體會。去車公廟轉風車，求好運；向觀音借富，希望少勞多得；甚至拜姻緣石，搵個好男／女人。拜神信佛，除咗為物質需要同切身利益，係咪就冇其他？好多年前聽過一件真人真事。一個招牌原本寫著「信耶穌得永生」，可惜日久失修，「永生」變成「水牛」。如果信耶穌真係得水牛，保羅估計每逢聖誕復活，間間教堂肯定排曬長龍。