其身不正

小朋友做錯事，最鍾意用嘅藉口就係「阿哥都係咁」，甚至「媽咪都係咁」。教仔女過馬路守交通規則，但有幾多父母夠膽話自己由細到大冇衝過紅燈。外人對有宗教者都有較高道德期望，一旦佢哋行差踏錯（例如陳志雲被告上法庭、朱茵未婚懷孕、神職人員性醜聞等），就會話佢哋虛偽、其身不正，冇資格對人指指點點。無行為嘅信仰係死嘅。但正如細路仔賴媽咪一樣，到底係痛心他人劣行，定係俾自己黑暗一面嘅開脫，拒絕改正嘅藉口呢？