發毒誓

睇電視（尤其古裝片），啲人為咗得到信任，好多時都會發毒誓，例如天打雷劈、絕子絕孫。鬼佬成日笑中國人迷信，因為我哋做事／說話有不少避忌，好似大肚婆驚小氣，頭三個月唔可以講俾人知；過年唔准買鞋等。外國亦有類似嘅嘢：法國人開香檳，最後一啖通常都留返俾已婚嘅長輩飲；因為佢哋認為邊個飲咗，嗰年就會結婚。面對呢啲事，彷彿個個都有特異功能，可以一句說話、一個行為控制命運，掌管生死。但往往忘記，除咗喺髮型屋，冇人能夠指著天講一句說話，而令自己一條頭髮變白。