冰清玉潔

記得好多年前有套韓劇「醫道」，中文版主題曲頭兩句「受過傷，先知道要堅強；受委屈，先會學懂原諒」。雖然講嘅係醫德，不過套用喺罪惡上一樣可以。唔衰過，點知衰？好多唔信教嘅人都鍾意話，如果上主咁靈，點解畀咁多教徒甚至神職人員做壞事？無論有冇領洗，上主容許每個人都有機會犯罪。但正因為自己都曾受過誘惑，犯過罪，更重要係悔改過，更加明白、體諒犯罪嘅人，更加懂得同情、寬恕悔改嘅人。當然，呢個絕對唔係畀我哋任意做壞事嘅藉口。