我愛旅行在萬有之上（二）

香港打工仔出名大假少，好多人請大假，都會連住公眾假期，可以去長啲同遠啲嘅旅行。除咗農曆新年，比較長嘅假期就只有復活節同聖誕節。為咗去教堂，而冇得去旅行，好多教友都會即刻反彈話萬萬不能。但如果我哋真係愛天主在萬有之上，下次計劃行程時，可唔可以將平安夜子夜彌撒／復活節三日禮儀加入做考慮嘅因素之一呢？