賺蝕輸贏

之前寫過一編關於爭拗嘅文章（＜辯論＞２０１０年３月２日），後來因為覺得唔滿意，趁由雅虎博客轉為谷歌Blogger時，乾脆抽走。宜家以同一主題，重新寫過。

身邊唔少人，喺宗教上同保羅持唔同意見。由最簡單嘅基督教天主教之爭，有神冇神論，西方信仰同中國文化矛盾，甚至各種陰謀論等。有啲因為一知半解，亦有時係惡意挑釁。以前，保羅好勝，鍾意同人爭拗。但礙於知識有限，往往被問到口啞啞。正係呢個原因，激發保羅多去問，多去睇。認識多咗，先發現自己嘅無知。漸漸，保羅唔再爭拗，反而傾向同人解釋。當然，有時就算係標準答案，唔等於個個接受，但起碼得個知字。一場交贏輸，只代表邊個口才出眾，頭腦靈活。學習上主嘅道理，真正重要嘅，應該係賺取人嘅心。