I am Alpha (Α) and Omega (Ω)

聽前輩講，好多今日喺教會熱心嘅長者，當年都係所謂「奶粉教友」。幾十年前，生活艱苦，好多人因為教會有奶粉派，唔知乜頭乜路領咗洗。雖然，十個攞咗奶粉，可能九個之後都冇影。到依家，仍然有好多人因為有「著數」（例如入學、結婚等）而信教，甚至其他地方（如喀嘜隆、孟加拉等）、其他宗教（如印度人由印度教改信伊斯蘭教）都有類似情況。耶穌醫好十個痳瘋病人後，問唯一返嚟多謝佢嗰個：「潔淨了的不是十個人嗎？那九個人在那裏呢？」對好多人嚟講，領洗嗰日，就係佢哋離開教會嗰日。